2015
happy birthday to you

നുറുങ്ങുകൾ - 24

നുറുങ്ങുകൾ - 24
-------------------------

മതം

തമം
തിരിഞ്ഞു പോയതാവാം
മതം.
******

ചോദ്യങ്ങൾ
ഉപേക്ഷിച്ചവരുടെ
തൊഴുത്താണ്
 വിശ്വാസം
*******

വിവാഹം

ഒരു സ്വപ്നം
സത്യമായി തീരുമ്പോൾ
അതിലേറെ സത്യങ്ങൾ

 സ്വപ്നമായ് മാറും
******
പ്രവാസം 

ഒടുവിൽ

ഓരോ പ്രവാസിയും
നാടുകടത്തപെടുന്നത്
നാട്ടിലേക്കാണ്

*******

വിളി

എന്തൊക്കെയുണ്ട് വിശേഷം ?-
പ്രിയ സുഹൃത്തേ
വല്ലപ്പോഴും വിളിക്കുമ്പോൾ
ചതഞ്ഞരഞ്ഞ ഈ ക്ലീഷേ
ഒഴിവാക്കുക
കണ്ണ് നഷ്ടപ്പെട്ടവനോട്
കാഴ്ച്ചകൾ വർണ്ണിക്കരുത് .
*
ചില വിളികൾ അങ്ങനെയാണ്
പ്രകൃതിയുടെ വിളി പോലെ
സമയമാകുമ്പോൾ സംഭവിച്ച് പോകും
ഒന്നിനുമല്ല
ഒന്നുമില്ല
ഇല്ലെങ്കിൽ
മുട്ടിയിട്ടും പോകാത്തത് പോലെ
*
പറയാനുള്ളത് കേൾക്കാറില്ല
കേൾക്കാനുള്ളത് പറയാറില്ല
എന്നിട്ടും
വിളിച്ചുകൊണ്ടിരിക്കുന്നു
കേട്ടുകൊണ്ടും
*
വിളികൾ നിലച്ചു
ചാറ്റും മടുത്തു
ഇനി
Whats up ?