Pages

Thursday, November 8, 2012

കഥാവശേഷം

ഗോഡ്സേക്ക് മാപ്പ് നല്‍കിയിട്ടുണ്ടാവും മാഹാത്മജി
മരണത്തിനും മഹത്വം നല്‍കിയതിന് .

ജീസസ് പിലാതോസ്സിന് നന്ദി പറയുന്നുണ്ടാവും
ജീവിതം കുരിശ്ശു കൊണ്ട് അനശ്വരമാക്കിയതിന് .

ആദിശങ്കരന്‍ സാക്ഷാല്‍ ബുദ്ധനേയും
സംവാദത്തിന് ക്ഷണിക്കുന്നുണ്ടാവും .

ഗോള്‍വാള്‍ക്കര്‍ക്ക്  നാരായണഗുരു
ക്ലാസ്സെടുക്കുന്നുണ്ടാവും ,
  വിജയന്‍ മാഷാവും  പരിഭാഷകന്‍ .

ഹിറ്റ്‌ലറും സ്റ്റാലിനും ചതുരംഗം  കളിക്കുമ്പോള്‍
ചര്‍ച്ചിലാവും നിരീക്ഷകന്‍ .

തിയോ  വിന്‍സെന്റിനെ അവിടെയെങ്കിലും
ജീവിക്കാന്‍  പഠിപ്പിക്കുകയാവും .

സത്നാം അമ്മയെ കാത്തിരിക്കുന്നുണ്ടാവും
അമൃതാനന്ദത്തിന്‍റെ അര്‍ത്ഥമറിയാന്‍ .

രാമചന്ദ്രന്‍നായാരെ വര്‍ഗീസ്
സ്വന്തം രക്തമായ് തിരിച്ചറിയുന്നുണ്ടാകും

മുറിവേറ്റ ഒരു വിരല്‍ അവിടെയും
ഗുരുവിന്‍റെ ഉറക്കം കെടുത്തുന്നുണ്ടാവും .

സൂര്യപുത്രനെ നേരിടാനാവാതെ  കുന്തി
നരകത്തില്‍അഭയം തേടിയിരിക്കും

കര്‍ണ്ണന്‍ അര്‍ജുനനെ എന്തുചൊല്ലി വിളിക്കും
അനിയനെന്നോ ..ചതിയനെന്നോ ?

9 comments:

  1. Disturbing yet truthful.Jeevithathinte real meaning thanne athenthannu thirayalalle ? Deep ketto.

    ReplyDelete
  2. പലപ്പോഴും സത്യം അരോചകമാണ് .എങ്കിലും ഉത്തരം കിട്ടാത്ത ചോദ്യങ്ങള്‍
    വഴിയിലുപേക്ഷിക്കരുത് .അത് നമ്മള്‍ തന്നെയല്ലേ ..

    ReplyDelete
  3. പലപ്പോഴും തോന്നിയിട്ടുണ്ട്.......ഇതൊക്കെ ഇങ്ങനെയൊക്കെ......

    ReplyDelete
  4. അത് അങ്ങനെയാവാനെ തരമുള്ളു .

    ReplyDelete
  5. സത്യം.. മികച്ച ചിന്തകള്‍

    ReplyDelete
  6. ഈ ചിന്തകള്കെന്റെ സല്യുട്ട് . നാളെ പരലോകത്ത് ഇങ്ങിനെയൊക്കെ സംഭവിച്ചാല്‍ ....? അസ്സലായി ഗവിത .:)

    ReplyDelete
  7. മറ്റൊരാളെ, ഈ ചിന്തകള്‍ മനോഹരവും അര്‍ത്ഥഗര്‍ഭവുമായിരിയ്ക്കുന്നു

    ReplyDelete
  8. കലക്കന്‍ ..നന്നായിട്ടുണ്ട് ... ഏറ്റവും ഇഷ്ടമായത് " തിയോ വിന്‍സെന്റിനെ അവിടെയെങ്കിലും
    ജീവിക്കാന്‍ പഠിപ്പിക്കുകയാവും . "...സൂപ്പര്‍

    ReplyDelete