Pages

Sunday, July 22, 2012

നയം-അനുനയം


(2009- സെപ്തംബര്‍,  പ്രവാസലോകം മാസികയില്‍ പ്രസിദ്ധീകരിച്ചത് )

നയം വ്യക്തമാക്കണമെന്ന് പാര്‍ട്ടി 
വ്യക്തമായ നയമാണ് വേണ്ടതെന്നയാള്‍ 

നിലപാട് തിരുത്തണമെന്ന് പാര്‍ട്ടി 
ഒരു പാട് പോലും ഇല്ലാത്ത നിലയാണ് തന്‍റെതെന്നയാള്‍ 

കാരണം കാണിക്കണമെന്നു പാര്‍ട്ടി 
നില പാടുകള്‍ തന്നെയാണ് കാരണമെന്നയാള്‍ 

അച്ചടക്ക നടപടി ഉണ്ടാകുമെന്ന്  പാര്‍ട്ടി 
അച്ചടകം തന്നെയാണ് നല്ല നടപടിയെന്നയാള്‍

വിലക്ക് നേരിടേണ്ടി വരുമെന്ന് പാര്‍ട്ടി 
വിലക്കുകളെല്ലാം നമ്മളൊന്നിച്ചല്ലേ  തകര്‍ത്തതെന്നയാള്‍ 

തരം താഴ്ത്തുമെന്ന്   പാര്‍ട്ടി 
സ്വയം തരം താഴരുതെന്നയാള്‍ 

പുറത്താക്കേണ്ടി  വരുമെന്നായി പാര്‍ട്ടി 
പുറത്താക്കലെളുപ്പം
അകത്താക്കലാണ്  പ്രയാസമെന്നയാള്‍

ഒത്തുതീര്‍പ്പാകമെന്നു  പാര്‍ട്ടി 
ഒത്താല്‍ തീര്‍പ്പാകും പക്ഷെ 
ഒക്കാതിരിക്കലാണ് സുഖമെന്നയാള്‍ .

1 comment:

  1. അതെയതെ....
    എല്ലാം കാണുന്നുണ്ട്, കേൾക്കുന്നുണ്ട്, അറിയുന്നുണ്ട്.

    ReplyDelete