തീർത്താലും തീരാതെ

തീർത്താലും  തീരാതെ
എത്ര പങ്കുവെച്ചാലും ചിലത് ബാക്കിയാവും
പറയാതെ പോയ വാക്കുകൾ
ആഴങ്ങളിൽ അടിഞ്ഞു പോയ
ആരുമറിയാത്ത നൊമ്പരങ്ങൾ
ഏകാന്തതയിൽ ഹൃദയത്തെ തൊട്ടുരുമ്മുന്നത്‌
സന്തോഷത്തിന്റെ നിറനിമിഷങ്ങളിലും മൌനിയാക്കുന്നത്
ആൾക്കുട്ടത്തിന്റെ നടുവിലും തനിച്ചാക്കുന്നത്
ഏകാന്ത രാവുകളിൽ ഒരു പാട്ടിൽ അലിയുമ്പോൾ
തണുത്ത വിരൽ സ്പര്ശം പോലെ
തനിയെയുള്ള ഒരു ദൂരയാത്രയിൽ
 അനന്തമായ വിജനതയിൽ നിന്ന്
ഒരു കുളിർ കാറ്റ്  വന്ന്  പൊതിയും പോലെ
ഇരുളിൽ തനിച്ചിരിക്കുമ്പോൾ
പിൻകഴുത്തിൽ ഒരു നിശ്വാസം പോലെ
നുകർന്ന നിർവ്രുതികളെക്കാൾ
അകാരണമായ ഈ നോവെത്ര ഹൃദ്യം
ഏറെ പ്രിയങ്കരം