നുറുങ്ങുകൾ -(14)

 

പ്രവാസം 

----------------
പ്രവാസിയെന്നാൽ ഇടമില്ലാത്തവൻ
യൂസഫലിയും നജീബും പ്രവാസിയാണ്
ഞാനും .
***********

തിരിച്ചു വരുന്ന ഓരോ ഫ്ലൈറ്റിലും
ഒരുപാട് കണ്ണീരു കാണും
അതിലേറേ അച്ചാറും .
***********

ഷവർമയും പർദ്ദയും മലയാളമായ്
പൊറോട്ടയും ചിട്ടിയും ഇങ്ങോട്ടെടുത്തു
ഇതല്ലേ അത് -സാംസ്ക്കാരിക വിനിമയം .
***********

ആദ്യം വന്നവന് വീടായിരുന്നു സ്വപ്നം
പിന്നെയത് പുത്തൻ കാറായ് മാറി
നാളെ നാട്ടിൽ നാല് ബംഗാളികളുടെ -
അർബാബ് ആകാനാവും .
**********

'മിസ്സ്‌'കോളുകളുടെ പെരുമഴക്കിടയിൽ
മിന്നൽ പോലൊരു മിസ്സിസ്കോൾ .
**********

തിളച്ചാറിയ വെള്ളമാണ് വെള്ളിയാഴ്ച്ച
ശനിയാഴ്ച്ച അത് വീണ്ടും തിളക്കാൻ തുടങ്ങും .
***********