മൗനം

മൗനം
ഒറ്റപ്പെടുന്നവന്റെ പങ്ക് വെക്കാനാവാത്ത   വേദനയാണ്
മൗനം
കീഴടങ്ങിയവന്റെ അപഹരിക്കപെട്ട നാവാണ്
മൗനം
കൂട്ടം തെറ്റിയവന്റെ കേള്‍ക്കാനാവാത്ത ശബ്ദമാണ് 
മൗനം
വരികള്‍ക്കിടയിലെ നീറി പടരുന്ന അഗ്നിയാണ്
മൌനം
തിരസ്കൃതന്റെ നിലക്കാത്ത പ്രതിക്ഷേധമാണ്
മൗനം
പിറക്കാതെ മരിച്ച വാക്കുകളുടെ എരിഞ്ഞുതീരാത്ത ഹൃദയമാണ്
മൗനം
തിരിച്ചറിയാതെ പോയ സ്നേഹത്തിന്റെ ഉണങ്ങാത്ത മുറിവുകളാണ്
മൗനം
ഏകാന്തതയുടെ സം ഗീതമാണ്‌

കിളിപ്പാട്ട്

ഒന്നംകിളി തുഞ്ചത്ത്
രണ്ടാംകിളി മുട്ടത്ത്
പിന്നെ കിളിയായകിളിയെല്ലാം കോട്ടയത്ത്
ഇന്നിപ്പോള്‍ ചാനലില്‍ ചേക്കേറി
മലയാളത്തെ ലൈവ് ആയി കൊത്തിപ്പറിക്കുന്നു

ഒന്ന്

ഒന്നുമില്ലോന്നുമില്ലോന്നുമില്ല
ഒന്നോര്‍ത്താല്‍ ഒന്നിലുമോന്നുമില്ല
ഒന്നിച്ച്ഹിരുന്നു ഏറെ കിനാവുകണ്ട്‌
ഒന്നയിതീരുവാന്‍ കാത്തിരുന്നു
ഒന്നൊന്നായ് കാലം കഴിഞ്ഞുപോകെ
ഒന്നുമായില്ല
ഒന്നവാനുമായില്ല
ഇന്നെല്ലമെനിക്കൊന്നു തന്നെ

ശിഷ്ടം

കഷ്ടകാലം കടുത്തപ്പോള്‍

നഷ്ടങ്ങളുടെ കണക്കെടുത്ത്

എത്ര ക്കൂട്ടിക്കിഴിച്ചിട്ടും

ശിഷ്ടമായത് ജീവിതം

നഷ്ടമായതും ജീവിതം

നമ്മള്‍

നീയൊരു കടലായ്
ഞാന്‍ ആകാശവും
കടലുമാകാശവും ചേരുന്നിടം
ഒരു മായക്കാഴ്ച മാത്രം