അസംബന്ധ കവിതകൾ : 23

ദൈവത്തിന്റെ മതങ്ങളിലൊന്നും
അഹിംസയില്ല
അഹിംസയുള്ള മതത്തിൽ
ദൈവവുമില്ല
*******
ഉരുണ്ട ഭൂമിയിൽ
രാജ്യങ്ങളിന്നും
കിഴക്കും പടിഞ്ഞാറുമായതെങ്ങനെ ?
*******

കണക്ക്

നീ  നോക്കി എഴുതിയതല്ലേ ?
അല്ല മാഷേ
പിന്നെ അവന്റെ ഉത്തരം നിനക്കെങ്ങനെ കിട്ടി
എനിക്കറിയില്ല മാഷേ
ചന്തിയിൽ ചുവന്ന പാട് തിണർത്തു

ഒരേ ചോദ്യത്തിന് എല്ലാവര്ക്കും
ഒരുത്തരമാണെന്ന് അന്നറിയില്ലായിരുന്നു

 ഞാനതു പഠിച്ചപ്പോഴേക്കും
  ഒരേ ചോദ്യത്തിന്
ഓരോരുത്തർക്കും ഓരോ ഉത്തരമായ് മാറി
കണക്ക് എപ്പോഴും തെറ്റുന്നുണ്ട്